Gikan sa Hartford ngadto sa Kalibutan: Ang mga Batan-on sa UUWYN Nagdala sa Liderato sa Kabatan-onan ngadto sa Pinakadakong Nasyonal nga Panagtigom sa Europa
Ang Unitarian Universalist Worldwide Youth Network (UUWYN) (“Ikaw Ang modaog/Nakadaog ka”), usa ka Dili lang sa pagkuha sa ginansya nga organisasyon alang sa pagpalig-on sa kabatan-onan nga gitukod sa Hartford, Connecticut, USA, mibalik gikan sa USA na makasaysayanong komperensiya sa Cologne (Köln), Germany, nga mao ang pinakadakong Unitarian nga nasyonal nga panagtigom sa Europa (Unitariertag) nga gihimo niadtong Mayo 22–25, 2026.
UUWYN ug BeuJ nga mga Batan-on Nangandam sa Pagpasundayag sa Unitariertag.
Posible nga kini ang unang higayon sa kasaysayan nga ang usa ka organisasyon nga gipangulohan sa kabatan-onan ug ang mga batan-on mismo giimbitar sa pagpanguna sa Domingo na serbisyo sa usa ka nasyonal nga relihiyosong komperensiya.
Ang liderato niini nga kalihokan naglakip sa mga batan-on gikan sa nagkalain-laing nasud sama sa Estados Unidos, Indonesia, Kenya, ug mga lokal nfa batan-on sa Germany. Ang maong kalihokan usa ka dakong lakang alang sa internasyonal nga kolaborasyon sa mga batan-ong Unitarian ug nagpakita sa nag-uswag nga liderato sa mga kabatan-onan sulod sa maong pagtuo.
Lakip sa delegasyon karong tuiga si Linda Petersen, Media Director sa UUWYN, nga mibiyahe usa ka adlaw human sa iyang graduation sa University of Hartford, ug si Tallulah Alder, usa ka estudyante sa Wilton High School. Ang ilang partisipasyon nagpamatuod sa nagkadako nga papel sa Hartford ug Connecticut isip sentro sa Kooperasyon tali sa nagkalain-laing mga pag tuo, Liderato sa Kabtan-on, ug Kalibutang pakiglambigit sa relihiyon.
Pagpanguna Domingo na Serbisyo sa Nasyonal nga Relihiyosong Komperensiya
Ang Domingo serbisyo nga gipangulohan sa UUWYN sa Unitariertag naglakip sa musika, intercultural nga mga panalangin, mga pakigpulong, ug mga pagpamalandong gikan sa mga miyembro sa UUWYN ug BeuJ (German Unitarian Youth).Ang UUWYN ug mga Batan-on nga Nanguna sa Pagsimba sa Domingo sa Unitariertag. Usa sa mga pasundayag (mga ika-46 ka minuto sa link) mao ang usa ka kolaboratibong rap nga nakapapukaw ug nakapabarog sa mga tumatan-aw. Ang UUWYN–BeuJ Rap gihimo sa mga batan-ong lider gikan sa duha ka organisasyon ug gikan sa nagkalain-laing kontinente, nga nagpakita sa mamugnaon ug progresibong espiritu nga padayon nga gipalambo sa UUWYN tabok sa mga utlanan. Kini nahimong usa sa labing gihisgutan nga mga higayon sa Unitariertag ug adunay direktang pag-ila sa Hartford. Hartford Unitariertag.
Ang mga tumatan-aw sa Europe mitubag uban sa dakong kadasig, ug daghan kanila miingon nga wala pa sila makakita ug Unitarian youth group nga maisog nga naghiusa sa arte, aktibismo, ug lokal nga identidad.Gidayeg sa mga lider sa Europe ang maong serbisyo isip usa sa labing malaumon ug dinamikong mga bahin sa kalihokan. Giila nila nga pinaagi sa pagpanguna sa maong pagsimba, ang mga batan-on gikan sa lain-laing nasod nakadala ug mga mensahe sa kaisog, kalipay, ug panaghiusa nga nakatandog pag-ayo sa mga mitambong sa tanang edad.
“Dili lang kini usa ka pasundayag… kini usa ka blueprint. Kung gusto nimo pukawon ang kabatan-onan sa imong nasud, ihatag kanila ang mikropono. Ihatag kanila ang responsibilidad. Hatagi sila ug higayon sa pagpanguna.” Rev. Justine Magara, Bise Presidente sa UUWYN, lider sa Kisii ug Maasai Unitarian Universalist Congregation sa Kenya, ug founder ug Presidente sa Unitarian Altars of Africa Kenya.
Si Tallulah Alder, 16 anyos pa lamang, misaysay sa serbisyo mahitungod sa iyang biyahe ngadto sa Cluj-Napoca (Kolozsvár) sa Romania niadtong Oktubre isip representante sa UUWYN. Samtang naglakaw siya sa maong siyudad, iyang gibisita ang usa ka Hungarian Unitarian nga eskwelahan ug nakakat-on mahitungod sa kasaysayan sa rehiyon.
“Nakapa-kurog kini sa akong pagbati. Kini nga mga tawo nakigbisog na sulod sa kapin sa upat ka gatos ka tuig alang sa katungod nga magpabilin ug mahimong lahi. Ug ania gihapon sila. Nag-awit gihapon.Mao kana ang nagdala kanako sa usa ka higayon nga halos adlaw-adlaw nakong gihunahuna sukad pagbalik nako sa balay. Ang Unitarian Youth Choir nag-awit ug mga kanta sa migrasyon gikan sa Mexico. Ang mga batan-on nga Romanian ug Hungarian nag-awit mahitungod sa pagtabok sa mga utlanan, sa pagka-bakwit, ug sa pangandoy sa panimalay — sa usa ka nasud nga nasayod sa kahulugan sa pagkawala sa balay.Nagdako ko sa Estados Unidos. Dili na nako kinahanglan ipasabot sa bisan kinsa dinhi kung nganong miigo kini kanako sa ingon niana nga paagi. Milingkod lang ko didto ug mihilak ko…”
“Kay ang gilay-on tali sa atong tanan — tali sa Cluj ug Connecticut, tali sa Hungary ug Mexico, tali sa 1568 ug karon — kalit lang nga mura’g wala na. Mao kana ang buhat niini nga komunidad (UUWYN). Nagpadayon kini sa pag-abli og mga pultahan nga wala nimo kahibalo nga anaa diay, ug mosalig kini kanimo nga mosulod ka niini.”
Usa ka Organisasyon nga Nakagamot sa Hartford nga Nagmugna og Kalibutang Epekto
Ang istorya sa UUWYN dili mabulag sa Hartford sa Estados Unidos. Ang organisasyon gitukod sa Hartford, ug gihulma sa kalain-lain sa kultura sa siyudad, sa kalig-on, ug sa dedikasyon sa pluralismo. Ang ilang pinakaunang mga kaabag ug tigpaluyo — ang Unitarian Society of Hartford (USH) ug ang mga estudyante sa Hartford International University for Religion and Peace (HIU) — adunay dakong papel sa pagpalambo sa organisasyon, pinaagi sa paghatag og mentorship, lugar sa pagsimba, ug pundasyon sa interfaith nga panaghiusa.
Si Linda Petersen, Media Director, bag-o lang nakagradwar sa University of Hartford, maoy nagdokumento sa tibuok biyahe. Miingon siya:“Isip usa ka bag-ong graduate sa kolehiyo, ang pagbiyahe ngadto sa Unitariertag mao ang perpektong transisyon sa kinabuhi human sa kolehiyo. Nagamit nako ang mga kahanas sa liderato nga akong nakuha pinaagi sa UUWYN sa Hartford aron makakita og komunidad ug koneksyon sa gawas sa nasud. Ang pagpanguna sa Sunday service sa komperensiya usa ka talagsaong oportunidad nga dako kaayo akong pasalamat ug dili nako kini pasagdan.”
Mga Hagit sa Hartford, Mga Batan-on sa Hartford, Mga Solusyon sa Hartford
Ang unang dakong proyekto sa serbisyo sa komunidad sa UUWYN, nga gitawag og NIGHTLIGHT, uuwyn.org/nightlight/ gilunsad sa Spring 2026 aron makatabang sa pagsulbad sa problema sa kawalay puluy-anan ug kakulang sa pagkaon sa Hartford. Ang mga boluntaryong batan-on gikan sa lain-laing lugar nagtigom sa siyudad aron mag-apod-apod ug pagkaon, hygiene kits, ug maiinit nga sinina. Ang maong programa nagpadayon sa pagtubo ug pagpalapad. Kini nga espiritu sa hustisya ug pagserbisyo nga natawo sa Hartford gidala usab sa Europe, diin ang mga batan-on sa UUWYN nagpaambit sa ilang kasinatian sa pagtabang sa mga walay puluy-anan ug sa pagtukod sa interfaith solidarity.
Usa ka Modelo alang sa mga Kongregasyon sa Tibuok Kalibutan
Ang partisipasyon sa delegasyon sa Unitariertag usa ka dakong kalampusan alang sa UUWYN ug alang sa nagkadakong papel sa Hartford sa internasyonal nga liderato sa kabatan-onan ug interfaith dialogue.Uban sa padayon nga suporta gikan sa USH ug sa mga pamilya sa Connecticut, plano sa UUWYN nga palapdan pa ang ilang mga programa, palig-onon ang ilang serbisyo sa komunidad, ug dad-on ang mas daghang batan-on sa Hartford ngadto sa global nga pakig-istorya.
“Mao kini ang hulagway sa kaugmaon sa atong pagtuo. Kung ang mga batan-on gikan sa lain-laing kultura maghiusa, dili lamang sila magpaambit ug mga ideya — makahimo sila ug bag-ong matang sa espirituwal nga kusog. Ang among nasaksihan dinhi usa ka modelo kung giunsa pagbag-o ug pagpalig-on ang mga komunidad sa Unitarian bisan asa sa kalibutan.” Rev. Justine Magara
“Yano ra ang gahum niini nga kalihukan. Kung mosalig ka sa kabatan-onan pinaagi sa tinuod nga liderato, sila motubo. Kung imong konektahon sila tabok sa mga utlanan, sila molupad. Ang nahitabo sa maong entablado nagpamatuod nga mas molig-on ang atong pagtuo kung ang mga batan-on dili lamang apilon, apan tinuod nga hatagan ug gahum.”-Finn Prem, lider sa BeuJ ug miyembro sa Board sa UUWYN.
